Key G No pum
1. Pathian fa Jesuh Khrih ka pom, ka zum hnu cun,
Pathian fa sinak cu ka co;
Setan fa ihsin Pathian fa ka si zo,
Ka aiih thihnak tuartu van Bawi Khrih ruangah.
Cho:
Pathian fa ka si hnu, Bawipa ka thang`hat ding,
Leitlun mi in theihpi lo hmanah;
Van mi hman sak theilo thisen thang`hat hla cu,
Thih hnu suikhawpi sungtiang cui hla ka sak ding.
2. Khak tuarih um kei hi thingih khen ding ka si,
Thinglamtah misual thihnak hmun;
Hmanseh Bawi Jesuh ka aiah khak tuarin,
Ka aiih khak tuar Jesuh thihnak thing Kros-ah.
3. Ka sualnak tam hmanseh, Amah ka pom hnu cun,
A thi-in ka sual tlengfai zo;
Ka tuahmi umlo amai zangfahnak in,
A thlet mi thi-in misual, mi fel ka si zo.
4. Zangfahnak zumnak in Pathian fa ka si zo,
Ka umnak ding a umnak hmun;
Leitlun mi pawlin an theilo mangbangin,
A kumkhua Bawipa thang`hatnak hlamawi ka nei.
