Bawi cungnung

Verse 1
Bawi cungnung Jesuh kan thangṭhat hi minung ih fialcop in a si lo,

Khuang le dar awn ring tum ruang khalah a si lo;

Sunglam in fialtu thil a um cun to men thei lo in fialtu kan nei,

Cucu midang ih hmuhsak theih lo Pentecost Thlarau Thianghlim a si.

Chorus
Donkham khal ah kham theih a si lo,

Thir cikcin khal ih khih theih si lo;

Thangsiat le ningzahnak khal in a neh thei lo,

Hi tluk ih in duhdawttu Bawipa a nunnak pum tiang in petu cu;

Kan nunnak thaw a cem hlan sung cu,

Lungawi tein ka thangṭhat sin ding.

Verse 2
Zing le zaan tintei’ in cawmtu le mah le can tawk ih thluasuah petu,

Nun le dam man khal dil lo te’n in kiltu Bawi;

Duhdawtnak kan topi men thei lo lungawi in laam lo thei kan si lo,

Kan thangṭhat le kan sunloihmi hi Bawipai’ hrang kan titheitawk a si.

Verse 3
Filipi thawng sungah an hrenmi Paul le Silas in an thangṭhat ih,

Cui’ruangah hremnak cikcin pi khal an tla ee,

Bawipa thangṭhattu ih nunnak ah ṭemṭawntu thil khal an pelh ṭheh ih;

Natnak ih hrenmi cikcin an pelh Thiang Thlarau thawng in damnak an hmu.

Verse 4
A nungmi thingkung daihnem tla cu zilthli hrang tikah an cangvai ih,

A rocarmi thingkung cu an cangvai thei lo;

Thlarau nunnak a neitu pawl cu Thiang Thlarau zilthli a hran tikah,

Cangvai lo in an umthei hrim lo thangṭhat hi a nungmi hna a si.