A hmin thianghlim

Verse 1
Kan Pathian cungnungbik thiltithei maksak bik,
Lei le van sersiamtu kan Pathian;
Pathian dang betu khal in an lam netnak diriam in,
Sunloih thangṭhat ding umsun kan Pathian.

Chorus
Thangṭhat seh sersiammi hmuahhmuah in,
Ka nunnak Bawipa thangṭhat aw Amen;
Ka sungih ummi zate’n thangṭhat uh Bawipa cu,
Leitlun hmuah hi khat seh! Ahmin thangṭhat hla in.

Verse 2
A fimnak in ziangkim themthiam takin a retcia,
Sankhat hnu sankhat mifim a hmuhter;
Kan Pathian siannak ruangih ka thiammi ti theitu cun,
An nun in Pathian an thangṭhat ning thei lo.

Verse 3
Lei ah thilmak ropi hmuh le theihmi tam hmanseh,
Cuhnak ih ropi sawn ka hmuhmi cu;
Jesu’i duhdawt zaangfahnak a rundam fa ka si hi,
Amak in a ropi bik lei damsung ah.